السلام عليكم ورحمة الله وبركاته
يسعد مساء الجميع وخصوصاً الى موجود بنيوزلندا ( عنصري طلع ) ، في البداية بعد تفكير طويل ودراسة ونشده ( يعني اسئلة ) حتى شغالتنا ماسلمت من اسئلتي ، وبعد استخارت الله قررت دراسة اللغة بنيوزلندا ، بعد تجربتي اليكم هذه النصائح .
لدي نقاط اتمنى اي واحد يركز عليها كثير مثلاً احسن معهد ( كل واحد راح جرب معهد نقل لنا تجربته السلبية عن المعهد وليس الايجابية كأن يقول المعهد ذا تدريسهم ترفيهي او مايفهمون او شي من هذا القبيل ) انا اقول لاحد ينظر لتجربة احدا الزملاء ويقيسها على نفسه يعني فلان ماتوفق لاي سبب خلاص انا اكنسل سفرتي ومالازم ادرس فلان ماجاب نتيجة ، هذا اكبر خطا يقع في الاخوان ، الزبدة جرب اي معهد يكون مناسب للمدينة التي تختار المعهد عليه 25٪ والباقي عليك .
اذا نويت السفر للدراسة واستخرت ربك ابدأ بالاتي :
اختار الديرة
يعني مثال نيوزلندا > كرايستشيرج
( ليش انا اخترت هالديرة يقولون رخيصة وجيدة ومناظرها حلوه )
ابحث عن جميع المعاهد الموجودة بالمنطقة التى اخترتها وقارن الاسعار وقارن تصنيفها واعتمدها ( ولا تروح لاحد تقوله وش رايك بالمعهد الفلاني )
بعد اختيار المعهد دور على الموقع حقهم بعدين سجل بالموقع حقهم وراح يرسلون لك فاتورة بكل التفاصيل بعد تحديد المدة ونوع الدراسة ( ولا تروح لمكتب ياخذ منك دراهم بغير وجه حق وهو كل فورم يعبا وانتهينا )
واذا منت جيد بالانقلش عندك ( ترجمة قوقل ) او قل لاي واحد يجيد اللغة يعبي لك الفورم
بعدين نجي للتذاكر
لاحد يروح لمكتب طيران يقول ابي حجز نصيحة ( عندك انترنت ) احجز عن طريق الانترنت وادفع عن طريق الانترنت ( لازم يكون معك فيزا عن طريق بنكك الى تتعامل معه للدفع بواسطة الانترنت )
انا حجزت من دبي الى كرايستشيرج 4800 ريال ورحت لمكتب طيران وقال 8000 ريال شوفو الفرق .
انا حاليا بسنغافورة اذا وصلت كرايستشيرج بالسلامة عطيتكم خبر لا وجلست يومين بدبي ( لاني كل رحلتي ذي سويتها عن طريق النت من طلعت من بيتنا بالقصيم الى انشا الله الرجعه له بالسلامة بعد ست شهور – طبعا فنادق ، تذاكر ، المعهد . . . )
والى عنده استفسار انا حاضر .
الله يوفق الجميع
اتمنى لم اطيل عليكم ( لتعم الفائدة )
طبعا كتبت الموضوع اولاً في منتديات مبتعث لتعم الفائدة
المصدر: http://www.mbt3th.us/vb/forum121/thread170922.html#ixzz0jv6fDq1G
حفاظاً على حقوق الكاتب نرجو عدم حذف المصدر مبتعث
مرحبا ابو الوليد
الله يوفقك ماشاء الله من سهر الليالي نالي المعالي
الله يوفقك وترجع بالسلامه وانت محصل مبتغاك ومتقن اللغه 100%
——————————————————–
صديق قديم ايام الكليه التقنيه , خالد الحربي – الرس
ماشاء الله الله يوفقك
مدونتك رائعه مره الله يرجعك يحفظك ويرجعك بالسلامه
الله يوفقك أخوي خالد ويرجعك بالسلامة
عندي استفسار عن التكلفة الاجمالية (الطيران – السكن – الدراسة) كم بيطلع حدود مبلغها تقريباً؟
أبو وليد يسعدني مرورك
الطيران مافيه اقل من ٥٠٠٠ الى ٧٠٠٠ ذهاب اياب ريال سعودي
السكن اخوى بالشهر من ١٤٠٠ الى ٢٢٠٠ ريال سعودي ، تختلف بعض السكن انت الى تطبخ وتخدم نفسك وبعض السكن ماعليك الا تنام وهم يزينون لك كل شي .
الدراسة بالاسبوع حوالى الف ريال غالية طبعا ً
ومصروف شخصى بالشهر ، فيه ناس يصرفون واجد وفيه ناس مايصرفون الاشوي يعني نعطيها من ١٥٠٠ ريال او ٢٠٠٠ الى ٤٠٠٠ ريال عاد انت وصرفك .
وشاكر لكم زيارتكم
Houses are expensive and not every person is able to buy it. Nevertheless, business loans are invented to aid people in such hard situations.